Integrimi evropian është proces i të gjithë shoqërisë dhe të rinjtë janë forca lëvizëse dhe motivimi për të çuar deri në fund këtë proces, tha ministrja e Çështjeve Evropiane Maida Gorçeviq.
Ajo u tha studentëve, në forumin „Pyet ministrin“ të organizuar me rastin e shënimit të 4 Prillit – Ditës së Studentit, se të gjitha përpjekjet që po bëhen për ta bërë Malin e Zi anëtarin e ardhshëm të Bashkimit Evropian (BE) janë një peng për të ardhmen e tyre.
Gorçeviq, në fjalimin e saj para studentëve, deklaroi se ata do të jenë qytetarë të BE-së dhe do të ndajnë vlerat dhe standardet mbi të cilat Bashkimi është i bazuar.
Angjella Jakshiq Stojanoviq, Danillo Sharanoviq dhe Sasha Mujoviq, folën sot me rreth 70 studentë nga të gjitha universitetet në Mal të Zi për tema të rëndësishme për arsimimin dhe përmirësimin e tyre profesional.
Siç thanë ata, ministrat kanë biseduar me studentët edhe për situatën aktuale politike, ekonomike dhe të përgjithshme në Mal të Zi, si dhe për rolin e studentëve në ndërtimin e shoqërisë malazeze në rrugën drejt anëtarësimit të plotë në BE.
Gorçeviq i uroi studentët për festën e tyre dhe theksoi se në rrugën drejt BE-së, Qeveria po mbështet te studentët, si forca e shoqërisë me të cilën do të ndajë përgjegjësinë, por edhe do të zbulojë horizonte të reja.
Ajo vuri në dukje se, përmes procesit të anëtarësimit, qeveria dëshiron jo vetëm të rregullojë politikat rinore në përputhje me praktikat më të mira evropiane, por ta bëjë Malin e Zi një vend më të mirë për jetën e të gjithë qytetarëve dhe të krijojë një shoqëri të rregullt për të rinjtë që do të zhvillohet më tej.
“Të gjitha përpjekjet e Qeverisë tregojnë se qëllimi ynë është i qartë dhe i padiskutueshëm – deri në vitin 2028, Mali i Zi do të jetë gati të bëhet anëtari i 28-të i BE-së. Kur ju shikoj ju të rinj të arsimuar, ambicioz dhe frymëzues, inkurajohem edhe më shumë se ky synim është real”, tha Gorçeviq.
Në njoftim thuhet se në një bisedë joformale ministrat kanë prezantuar punën e departamenteve që drejtojnë dhe iu janë përgjigjur pyetjeve të shumta të studentëve.
