Komisioneri Evropian për Mbrojtjen dhe Hapësirën, Andrius Kubilius, tha se Bashkimi Evropian ende ka nevojë për NATO-n për t’iu përgjigjur kërcënimeve të sigurisë në krahun lindor, por duhet të përgatitet të marrë më shumë përgjegjësi për mbrojtjen e Evropës.
Sipas tij, ndryshimi i prioriteteve strategjike të SHBA-së dhe fokusi në rritje ndaj Kinës dhe rajonit Indo-Paqësor mund të sjellin zhvendosje të burimeve amerikane nga Evropa.
Kubilius theksoi se vendet evropiane duhet të forcojnë kapacitetet e tyre ushtarake dhe institucionale, si dhe mekanizmat për vendimmarrje të përbashkët.
Ai tha se Evropa duhet të jetë e përgatitur për një prani më të vogël amerikane në kontinent, duke nënvizuar se kjo nuk lidhet me mungesën e mbështetjes, por me ndryshimin e prioriteteve strategjike të Uashingtonit.
Kubilius propozoi gjithashtu krijimin e një formati më të fuqishëm evropian të mbrojtjes, që do të mund të përfshinte edhe Ukrainën dhe Kanadanë.
