Sot ka nisur aksioni “Stop Inflacioni 100+”, ku sipas njoftimeve nga Qeveria, qytetarët mund të presin ulje çmimesh për mbi 100 artikuj.
Më herët u bë e ditur se Ministria e Zhvillimit Ekonomik dhe Turizmit, në bashkëpunim me përfaqësues të rrjeteve tregtare, dyqaneve me pakicë dhe shumicë, distributorë, si dhe subjekte të tjera të interesuara, ranë dakord për vazhdimin e fushatës “Stop Inflacioni” të quajtur “Stop Inflacioni 100+”, i cili synon mbrojtjen e standardit të jetesës së qytetarëve dhe uljen e inflacionit.
Tregtarët janë të detyruar të përcaktojnë një listë me të paktën 100 produkte për të cilat do të ulin çmimet duke vendosur një marzh maksimal të shitjes me pakicë dhe shumicë prej pesë për qind, ndërsa për tregtarët me më pak se 100 të punësuar, shporta kundër inflacionit përfshin një listë prej të paktën 50 produkte.
Produktet nga shporta anti-inflacion do të shënohen njësoj si në fushatën e mëparshme “Stop Inflacioni”, e cila zgjati nga fundi i marsit deri në fund të qershorit të këtij viti. P
ër tregtarët që shesin një lloj specifik të mallrave – të tilla si teknologjia, kozmetika dhe të ngjashme, shporta kundër inflacionit do të përshtatet me atë lloj produkti.
Aksioni do të zgjasë deri në fund të vitit.
