Zëvendëskryeministri për Politikë Ekonomike dhe njëherësh ministër i Zhvillimit Ekonomik Nik Gjeloshaj ka njoftuar se i ka dorëzuar Qeverisë së Malit të Zi Ligjin për Kredinë Konsumatore, i cili do të miratohet këtë javë dhe do të dërgohet në procedurë parlamentare.
„Miratimi i Ligjit të ri për Kredinë Konsumatore në Mal të Zi sjell përfitime të konsiderueshme për konsumatorët në kontekstin e zhvillimit në rritje të tregut financiar dhe ofrimit të instrumenteve të reja kreditore, në përputhje me standardet ligjore të BE-së,“ thotë Gjeloshaj.
Domethënë, siç tha ai, me këtë Ligj transferohet Direktiva 2014/17 për kredinë për banim, e cila në shumë segmente ofron një hapësirë më të madhe mbrojtjeje, ndaj propozuesi vendosi, në masën që ishte e mundur, të zbatoheshin zgjidhjet e parashikuara në këtë direktivë për të gjitha kontratat e kredisë konsumatore dhe jo vetëm për kontratat e kredisë konsumatore për strehim, e cila do t’u sigurojë konsumatorëve në Mal të Zi një shkallë më të lartë të mbrojtjes se sa ishte rasti deri tani.
Sipas tij, përfitimet kryesore për konsumatorët përfshijnë:
Heqja dorë nga tarifat;
Kufizim i normave të interesit;
Vlerësim i aftësisë kreditore;
Mbrojtje në rast vështirësish;
Informim më i mirë;
Rregullim i ndërmjetësve të kredisë;
