Strategjia fiskale nga viti 2024 në 2027 parashikon uljen e kontributeve për PIO në kurriz të punonjësit nga 15 në 10 për qind dhe heqjen e masës prej 5.5 për qind të kontributit në kurriz të punëdhënësit.
Gjithashtu është bërë e ditur se pensionet nga tremujori i parë i vitit të ardhshëm do të jenë më të larta prej 7 deri në 8 për qind.
“Ne e shohim atë si një agjendë ambicioze me synime shumë të përcaktuara, e cila synon thjesht të inkurajojë zhvillimin ekonomik, dhe nga ky zhvillim më të madh ekonomik dhe ritme më të larta rritjeje, pra të mbushë më mirë buxhetin e Malit të Zi nga i cili do të financohet Fondi PIO,” tha në programin e mëngjesit në TVMZ drejtor i Fondit PIO, Vlladimir Drobnjak. Siç tha ai, buxheti i Fondit PIO për vitin 2024 është 744 milionë euro.
“Pra, është miratuar vitin e kaluar dhe ai buxhet ka përfunduar, pra nuk ka vend për pyetje se a do të ketë pensione apo jo, do të ketë me siguri. Gjithashtu, në fund të këtij viti do të miratohet buxheti për vitin e ardhshëm, i cili do të jetë pak më i madh se kaq, kështu që thjesht nuk ka vend nëse pensioni do të jetë, sepse këto janë të drejta të fituara dhe në fund të fundit shteti i Malit të Zi garanton pagesën e rregullt të pensioneve përmes buxhetit”, ka përfunduar Drobnjak.
