Koha do të tregojë nëse qeveria aktuale ka kapacitete të mjaftueshme politike për t’u përballur me mosmarrëveshjet e veta të brendshme dhe më pas reformat që nuk mjaftojnë për t’u votuar në Parlament, por duhet të zbatohen, tha raportuesi special i PE për Malin e Zi Tonino Piculla.
“Nëse bëhet gjithçka që është premtuar, nuk ka pse të mos merret IBAR”, ka thënë Piculla në emisionin “Fokus”, në TVMZ.
Picula tha se aktualisht ekziston një kornizë në të cilën mund të ndodhin shumë gjëra pozitive për Malin e Zi, por siç shton ai, përgjegjësinë më të madhe e kanë autoritetet në Mal të Zi, pra Qeveria dhe Parlamenti.
“Nëse realisht bëhet ajo që është premtuar dhe ajo që duhet, atëherë nuk ka pse të mos i japim atë një sinjal pozitiv Malit të Zi gjatë muajit qershor, gjegjësisht IBAR-it, po flasim për standarde të përkohshme në fushën e sundimit të ligjit. Dhe më lejoni të përmend menjëherë, ky nuk është fundi i procesit. Ka vetëm një datë historike, ajo është data e hyrjes së një vendi kandidat në BE”, përfundoi Piculla.
