Foto: Ilustrim
Rritja e çmimeve, sidomos pas shtrenjtimit të karburanteve, ka ndikuar te konsumatorët në Mal të Zi, të cilët kërkojnë vazhdimin e masës “çmime të kufizuara” për produktet bazë.
Fermerët theksojnë se mbështetja për prodhimin vendor është e vonuar dhe thelbësore për stabilitetin e tregut.
Kryetari i grupacionit të fermerëve, Millutin Gjuranoviq, tha se prodhimi i qumështit është i qëndrueshëm dhe përfaqëson potencial të madh për zhvillim, por kërkon më shumë investime dhe mbështetje buxhetore.
Autoritetet theksojnë se rritja e çmimeve të ushqimeve është e pashmangshme, por subvencionet dhe masat si “çmimet e kufizuara” ndihmojnë në zbutjen e situatës.
Ndërkohë, fermerët përballen me vonesa në mbështetje financiare dhe rimbursime, ndërsa rritja e kostove të prodhimit i vë në vështirësi.
Megjithatë, tregu mbetet i furnizuar me produkte bazë dhe aktualisht nuk ka mungesa, pavarësisht presioneve mbi çmimet.
