Foto: Vijesti
Në takimin e ministrave të Ballkanit Perëndimor në Tiranë, të dedikuar Planit të Rritjes “Rruga jonë drejt BE-së”, kryenegociatori i Malit të Zi, Predrag Zenoviq, theksoi se Mali i Zi nuk synon vetëm anëtarësimin e barabartë në BE, por po e formëson aktivisht rolin e vet në Evropën e bashkuar, duke kontribuar në paqe, stabilitet dhe prosperitet të përbashkët.
Zenoviq prezantoi rezultatet e Reformës Agjendës, duke nënvizuar ndikimin transformues të reformave, sidomos në forcimin e sundimit të ligjit, përmirësimin e klimës së biznesit dhe ndërtimin e një ekonomie më të qëndrueshme.
Ai rikujtoi se Mali i Zi ka marrë 383,5 milionë euro nga Plani i Rritjes i BE-së, që përbëjnë mbështetje të rëndësishme për transformimin ekonomik dhe modernizimin e infrastrukturës.
Sipas Gert Jan Kopman nga Komisioni Evropian, Mali i Zi kryeson rajonin për realizimin e Reformës Agjendës me 98%, përpara vendeve të tjera të Ballkanit Perëndimor.
Në kuadër të Planit të Rritjes, Mali i Zi tashmë është bërë vendi i parë në rajon që i bashkohet zonës SEPA, ka zgjeruar aksesin falas në internet përmes programit WiFi4WB dhe po punon për heqjen e tarifave të roamingut me BE-në.
Zenoviq theksoi rëndësinë e vazhdimësisë së reformave dhe nevojën për rritje të qëndrueshme, të gjelbër dhe të mençur, duke shtuar se afrimi me BE-në sjell përfitime konkrete për qytetarët përmes zhvillimit ekonomik dhe rritjes së stabilitetit rajonal.
