Foto: Komuna e Tuzit
Në kuadër të muajit të ndërgjegjësimit për kancerin e gjirit, Komuna e Tuzit, në bashkëpunim me Institucionin Privat Shëndetësor “Diagnostika”, Kryqin e Kuq dhe Qendrën e Shëndetit në Tuz, organizon një aktivitet sensibilizues më 23 tetor, në qendër të Tuzit.
Gjatë këtij aktiviteti, qytetarët do të kenë mundësinë të kontrollojnë tensionin e gjakut, nivelin e sheqerit në gjak, si dhe të marrin këshilla dhe konsultime shëndetësore nga profesionistë të fushës.
Po ashtu, do të shpërndahen kupona për ekon e gjirit, të cilat do të realizohen falas në klinikën “Diagnostika”.
Kuponët janë të destinuar për të gjitha gratë e interesuara.
Mesazhi kryesor është i qartë: Kujdesu për shëndetin tënd – sepse kontrolli i hershëm shpëton jetë.
