Foto: Kuvendi i Malit të Zi / Skupština Crne Gore
Deputetët e Kuvendit të Malit të Zi me shumicë votash pranuan propozimin e Qeverisë së Malit të Zi për përfshirjen në rend dite të marrëveshjeve për bashkëpunim ekonomik me Emiratet e Bashkuara Arabe (EBA).
Ai propozim u mbështet nga 47 deputetë, ndërsa 5 ishin kundër.
Kryeministri i Malit të Zi Millojko Spajiq u tha gazetarëve se nuk ka vend për ndryshim të vetë marrëveshje, por është e mundur në ligj nëse ka hapësirë për të korrigjuar diçka.
„Sot nuk votojmë për një marrëveshje me investitor apo për një projekt të caktuar, sot po votojmë për një marrëveshje ndërshtetërore, do të thotë për bashkëpunimin mes dy shteteve për planin ekonomik dhe ky është thelbi,” tha Spajiq.
Deputeti i Unionit Demokratik të Shqiptarëve, Mehmet Zenka, në fillim të seancës ka propozuar që të tërhiqet propozimi i Qeverisë, sepse bëhet fjalë për paligjshmëri.
Kryeministri dhe Qeveria e kanë refuzuar një propozim të tillë.
Deputeti i Aleancës Shqiptare Ilir Çapuni tha se nuk ka kushte për të diskutuar këto marrëveshje.
Ai pohon se mbi Plazhin e Madh ka fluturime me helikopterë dhe qytetarët po e shikojnë me mosbesim.
Deputeti i LQ URA, Millosh Konatar tha se kjo sjellje është shkelje e Rregullores së Kuvendit.
Megjithatë, shumica votoi se nuk është shkelur Rregullorja e Punës.
Deputeti i SD-së Boris Mugosha tha se sot po vendosim për marrëveshjen në gjuhën tonë, ku përkthimi nuk korrespondon me atë që është në gjuhën angleze.
Kreu i klubit të PDS-së, Andrija Nikoliq, tha se propozimi i Qeverisë duhet të tërhiqet, sepse po nxitohet pa nevojë.
Kryetari i LQ URA Dritan Abazoviq tha se ajo që po përgatitet është skandaloze.
“Nëse menduat se do të duartrokisnim, për shkak të diçkaje që i është premtuar dikujt, keni gabuar tmerrësisht”, tha Abazoviq.
Në seancën e Komisionit për Marrëdhënie Ndërkombëtare të Kuvendit, me shtatë vota për dhe një abstenim, u pranuan propozimet mbi projektligjet për ratifikimin e dy marrëveshjeve të nënshkruara nga Qeveria me Emiratet e Bashkuara Arabe.
Komisioni do të diskutojë më pas për ndryshimet në ligjet e propozuara.
