Presidenti i Malit të Zi, Millo Gjukanoviq, dërgoi urime me rastin e festës së madhe të Fitër Bajramit, reisit të Bashkësisë Islame në Mal të Zi, Rifat Fejziq dhe të gjithë besimtarët e besimit islam me dëshirat më të mira për shëndet të mirë, përparim dhe lumturi personale dhe familjare.
“Dhembshuria, moderimi, dashuria, respekti dhe filantropia si vlera themelore të islamizmit kanë një kuptim të veçantë në ditët e ardhshme, të cilat këtë vit po shënojmë fundin e krizës më të madhe shëndetësore në historinë moderne të njerëzimit. “Këto vlera, si pjesë përbërëse e multietnicitetit, multikonfesionalizmit dhe multikulturalizmit, të cilat përshkojnë gjendjen e shtetit të Malit të Zi, janë frymëzim shtesë për tejkalimin më të shpejtë të pasojave të pandemisë me përpjekje të përbashkëta”, tha Gjukanoviq.
Jemi krenarë, thotë Gjukanoviq, për mënyrën sesi Mali i Zi u është përgjigjur këtyre sfidave të reja, në të cilat ka dalë në pah ndjenja e plotë e unitetit, që është një nxitje e fortë për të vazhduar reformat, forcimin e institucioneve dhe ndërtimin e një shteti modern, i cili është një anëtar i respektuar i NATO-s dhe një udhëheqës rajonal në procesin e negociatave me BE.
“Bashkësia Islame dhe anëtarët e fesë Islame janë pjesë përbërëse e të gjitha sukseseve dhe planeve për të ardhmen e Malit të Zi të përbashkët. Me dëshirën më të mirë për të kaluar festën në shëndet, paqe, prosperitet dhe lumturi familjare, duke marrë parasysh dhe respektuar rrethanat, edhe një herë, ju dërgoj urimet e mia të sinqerta,” përfundon Gjukanoviq urimin e tij.
