Që nga fillimi i zbatimit të aksionit shtetëror “Çmime të limituara”, i cili synon rregullimin e marzheve për produktet bazë ushqimore dhe higjienike, Drejtoria për Çështje të Inspektimit ka zbuluar parregullsi të shumta.
Siç thanë ata, gjatë 89 kontrolleve të kryera janë konstatuar 13 parregullsi, ndërsa tregtarëve janë lëshuar 22 urdhëra kundërvajtës në vlerë të përgjithshme prej 60 mijë euro.
Këto të dhëna konfirmojnë se disa tregtarë ende nuk respektojnë masat e përcaktuara, pavarësisht përpjekjeve të inspektimeve për zbatimin e qëndrueshëm të vendimit.
Që kur Qeveria prezantoi aksionin e ri “Çmime të limituara” më 6 shtator, shërbimet e inspektimit kanë monitoruar intensivisht zbatimin e masave të përcaktuara në dyqanet në të gjithë vendin.
Qëllimi i këtij aksioni është kufizimi i marzheve për produktet ushqimore dhe higjienike të një rëndësie të veçantë për jetën dhe shëndetin e njerëzve, me synimin për të zbutur rritjen e çmimeve dhe për të siguruar disponueshmërinë e produkteve bazë për qytetarët.
Me vendimin për masat e përkohshme për kufizimin e çmimeve të produkteve me rëndësi të veçantë për jetën dhe shëndetin e njerëzve në dyqanet me shumicë dhe pakicë, qeveria kufizoi marzhin për 66 produkte ushqimore dhe higjienike.
