Presidenti i Malit të Zi Millo Gjukanoviq mbërriti në Pragë, ku me ftesë të Presidentit të Këshillit Evropian Charles Michel dhe Kryeministrit të Republikës Çeke, Presidentit të Këshillit të BE-së, Petar Fiala, po merr pjesë në takimin e parë të Komuniteti Politik Evropian, njoftoi kabineti i tij. “Hapur me liderët evropianë se si të ruhet dhe forcohet uniteti në kohën e sfidave dhe kërcënimeve më të mëdha për paqen dhe stabilitetin e kontinentit të vjetër. Gjithçka që ndodh në tokën evropiane duhet të jetë përgjegjësi e Evropës”, theksoi Gjukanoviq. Qëllimi i takimit në të cilin marrin pjesë liderët e 44 vendeve evropiane është të bashkojë liderët në baza të barabarta, të inkurajojë dialogun, bashkëpunimin dhe koordinimin për çështjet me interes të përbashkët dhe forcimin e sigurisë, stabilitetit dhe prosperitetit të Evropës. Gjukanoviq do të marrë pjesë në tryezën e rrumbullakët me temë “Paqja dhe siguria në kontinentin evropian”.
