Ndonëse më herët u spekulua në opinion se ekziston frika se shkollat në të gjithë Malin e Zi nuk do të kenë energji të mjaftueshme për ngrohjen e institucioneve arsimore nga Ministria e Arsimi thonë se kanë bërë gjithçka që kjo të mos ndodhë. Me ribalancimin e buxhetit për këtë vit janë siguruar mjete për ngrohje në shkolla, bëjnë të ditur për CDM-në Ministria e Arsimit. Sezoni i ngrohjes në institucionet arsimore në Mal të Zi fillon më 15 tetor. Prioritet i Ministrisë së Arsimit është sigurimi i funksionimit të sistemit arsimor, që do të thotë se janë ndërmarrë të gjitha aktivitetet që mësimet në shkolla të zhvillohen rregullisht. Ata shpjeguan se Ministria e Arsimit përmes prokurimit publik siguron qymyr dhe pelet si dhe burime për dru zjarri për institucionet arsimore.
