Mali i Zi meriton të jetë anëtari i parë i ardhshëm i Bashkimit Evropian dhe Polonia nuk e kupton politikën e vendeve të mëdha evropiane ndaj Ballkanit Perëndimor, të cilat kanë ngadalësuar procesin integrues, tha presidenti i Republikës së Polonisë, Anxhej Duda. Ai u prit me nderimet më të larta shtetërore me bashkëshorten e tij në Cetijë, nga presidenti i Malit të Zi Millo Gjukanoviq. “Dua të them se marrëdhëniet janë miqësore dhe të hapura, se bashkëpunimi është i frytshëm”, tha Gjukanoviq. Ai tha se Mali i Zi i është mirënjohës Polonisë për mirëkuptimin e aspiratave tona evropiane dhe euroatlantike. “Falë një mbështetjeje të tillë, Mali i Zi ka arritur asociacionet e tij në NATO dhe është përpara aspirantëve të tjerë për anëtarësim në BE. Ne ende besojmë se Mali i Zi do të jetë anëtari i parë i radhës në BE”, tha Gjukanoviq. Ai përfundoi se marrëdhëniet janë shumë të mira dhe potenciali për përmirësimin e tyre është frymëzues.
