Anëtarësimi në Bashkimin Evropian është një mundësi që nuk guxojmë ta humbasim dhe Mali i Zi duhet të ketë një njeri që do të përfaqësojë rezultatet e Malit të Zi në Bruksel sa më shpejt të jetë e mundur, tha Kryeministri Zdravko Krivokapiq në konferencën “Nëntë vjet negociata malazeze me BE”. Ai theksoi se nëse ky moment dështon, do të presim të hyjmë në Bashkim në një paketë. “Për fat të keq, nëntë vjet është koha kur ne duhet të ishim gëzuar si një anëtar i Bashkimit Evropian. Shpresoj se do ta kuptojmë mesazhin që na u dërgua të gjithëve në konferencën në Luksemburg, ku u shprehën të gjitha synimet pozitive të vendeve anëtare që Mali i Zi të jetë anëtari i parë i ardhshëm i BE-së,” tha Krivokapiq. “Ky është shansi i vetëm që Mali i Zi të jetë i ndryshëm, më i organizuar dhe të rrisë cilësinë e jetës së qytetarëve në një nivel më të lartë,” tha Kryeministri. Ai shton se 2024 është viti që ai parashikoi për anëtarësimin e Malit të Zi në BE.
