Nigma Galaxy, nën marka e eSports e kompanisë së video-lojërave dhe eSports në Dubai, Galaxy Racer, ka shpallur turneun në lojën League of Legends për rajonin e MENA.
Turneu Rising Stars do të jetë i hapur për të gjitha ekipet nga rajoni MENA, ku pjesëmarrësit do të garojnë për një grup çmimesh rreth 20.000 dollarë.
Turneu Rising Stars në vitin 2020 ishte organizuar në video-lojën Dota 2, por kompania ka vendosur të vazhdojë me lojën League of Legends për këtë edicion, duke theksuar se ky turne do të ndihmojë në ngritje dhe lojtarët dhe skuadrat e reja mund të ekspozohen.
Mohamed Morad, Bashkëthemelues i Nigma Galaxy, komentoi: “Ne jemi të kënaqur të shpallim turneun Rising Stars si një mundësi e re e mahnitshme për ekipet e League of Legends në MENA”.
Turneu Rising Stars do të jetë i hapur për lojtarë nga Egjipti, Iraku, Arabia Saudite, Libani, Emiratet e Bashkuara Arabe, Jordania, Kuvajti, Libia, Bahreini, Tunizia, Algjeria, Maroku, Omani, Palestina dhe Katari. Regjistrimet hapen më 28 prill dhe finalet do të luhen më 19 maj.
/Telegrafi/
