Franck Kessie dhe Andreas Christensen janë pothuajse lojtarë të rinj të Barcelonës pasi Joan Laporta konfirmoi se katalanasit kanë siguruar marrëveshje për të blerë një mbrojtës dhe një mesfushor.
Presidenti i klubit katalunas foli për RAC1 për planet e tyre për të ardhmen dhe dukej se konfirmoi blerjen e dy yjeve që do të zbarkojnë në Camp Nou si lojtarë të lirë në verë.
Kreu i Barcelonës refuzoi të përmendë lojtarët e nënshkruar, por konfirmoi se dy lojtarë të rinj do t’i bashkohen klubit gjatë verës.
“Ne kemi disa marrëveshje të mbyllura tashmë. Kontratat e tyre po skadonin, kështu që ne mund të negocionim me ta”, deklaroi Laporta.
“Mbrojtja dhe mesfusha? Aty përreth, nuk dua të jap emra”.
Kontratat e Kessie dhe Christensen me Milanin, respektivisht me Chelsean skadojnë në fund të sezonit dhe të dy lojtarët nuk kanë arritur një marrëveshje për të vazhduar me klubet e tyre aktuale.
Rossonerët thuhet se i ofruan Kessiea një marrëveshje të re prej 6.5 milionë euro. Ai e refuzoi ofertën, por duket se ka rënë dakord për një pagë të ngjashme në Barcelonë. 25-vjeçari iu bashkua kuqezinjve në vitin 2017 nga Atalanta dhe ka luajtur 214 ndeshje me gjigantët e Serie A. /Telegrafi/
