SHPK Monteput nënshkroi kontratën me kompaninë “Via project” SHPK për zhvillimin e zgjidhjes ideore për autostradën e shpejtë Podgoricë – Tuz (Bozhaj), me gjatësi 23 kilometra.
Siç është bërë e ditur, vlera e kontratës është 90.992 euro me TVSH, ndërsa afati për përfundimin e projektit konceptual është katër muaj nga data e lidhjes së kontratës.
“Ndërtimi i kësaj rruge me shpejtësi të madhe do të kontribuojë në përmirësimin e lidhjes së trafikut ndërmjet Podgoricës dhe Tuzit, si dhe në lidhjen e Malit të Zi me Shqipërinë. Gjithashtu, rruga do të sigurojë një lidhje të drejtpërdrejtë me autostradën Tivar – Bolare, e cila do të përmirësojë lidhjen rajonale dhe do të inkurajojë bashkëpunimin dhe zhvillimin ekonomik”, thanë nga Monteput.
Sipas tyre, qëllimi i krijimit të dokumentacionit teknik është shqyrtimi i plotë i mundësive të ndryshme të itinerarit në mënyrë që të zgjidhet opsioni më i mirë për seksionin nga kryqëzimi i Smokovcit deri në pikën kufitare Bozhaj.
“Zgjidhja konceptuale do të shërbejë për përcaktimin e saktë të rrugës, përcaktimin e shkallës dhe karakteristikave teknike të rrugës, si dhe për përfshirjen e këtij korridori në Planin Hapësinor të Malit të Zi deri në vitin 2040”, thuhet në njoftim.
