Barcelona e di se sa të rëndësishëm mund të jenë në të ardhmen Gavi dhe Ronald Araujo dhe klubi dëshiron që t’i lidh ata me kontrata të reja për disa vite.
Megjithatë, përpjekjet e klubit katalanas deri më tani kanë qenë të pasuksesshme, me të dy lojtarët që kanë refuzuar ofertat e fundit.
Barcelona ka ofruar kushte të përmirësuara për Gavi dhe Araujo në krahasim me ofertat e mëparshme, por të dy lojtarët ende i shohin këto kushte si të pamjaftueshme.
Oferta fillestare e Barcelonës për të dy lojtarët është shumë e ultë, sikurse që kishte bërë klubi edhe me emra si Sergi Roberto dhe Ousmane Dembele.
![](https://telegrafi.com/wp-content/uploads/2022/03/1646745528_749712_1646745647_noticia_normal.jpg)
![](https://telegrafi.com/wp-content/uploads/2022/03/1646745528_749712_1646745647_noticia_normal.jpg)
Manchester United dhe Araujo
Koha është e rëndësishme për Barcelonën, pasi këtyre dy lojtarëve nuk u mungojnë ofertat nga klubet e njohura të gjithë futbollin evropian.
Një numër klubesh janë të interesuara për Araujon, dhe Manchester United është favorit për nënshkrimin e uruguaianit.
Edhe Chelsea po e ndjek 23-vjeçarin, megjithatë kjo marrëveshje duket e vështirë për momentin duke pasur parasysh problemet financiare që po përjetojnë blutë.
![](https://telegrafi.com/wp-content/uploads/2022/02/araujo.jpeg)
![](https://telegrafi.com/wp-content/uploads/2022/02/araujo.jpeg)
Interesimi për Gavi
Ka klube të ndryshme në të gjithë Evropën që janë të interesuara për Gavi.
Ai është vetëm 17 vjeç dhe do të ishte një opsion i shkëlqyer për këdo që e blen, por deri më tani prioriteti i tij ka qenë rinovimi i kontratës së tij me Barcelonën.
![](https://telegrafi.com/wp-content/uploads/2022/02/Gavi-1.jpg)
![](https://telegrafi.com/wp-content/uploads/2022/02/Gavi-1.jpg)
Si u përkeqësua situata
Nënshkrimet që Barcelona do të bëjë përpara sezonit të ardhshëm po ndikojnë negativisht në negociatat me përfaqësuesit e Gavi dhe Araujo.
Andreas Christensen luan në të njëjtin pozicion si Araujo dhe do të fitojë 6 milionë euro në vit.
![](https://telegrafi.com/wp-content/uploads/2022/01/Andreas-Christensen-2-scaled-e1641497304224-1280x720-1.jpg)
![](https://telegrafi.com/wp-content/uploads/2022/01/Andreas-Christensen-2-scaled-e1641497304224-1280x720-1.jpg)
Kjo pagë vjetore është më e lartë se ajo që Barcelona po propozon për kontratën e re të Araujos.
Ndërkohë, një situatë e ngjashme është edhe për Franck Kessie, i cili luan në të njëjtin pozicion me Gavin.
Kontratat që skadojnë
Një problem tjetër për Barcelonën është se kontratat e Gavi dhe Araujo skadon në qershor 2023.
Barcelona dëshiron të arrijë një marrëveshje para fillimit të afatit të verës, sepse nëse nuk e bën këtë do të shikojë shitjen e mundshme të të dyve në mënyrë që të mos largohen falas verën e ardhshme.
![](https://telegrafi.com/wp-content/uploads/2022/03/fbl-esp-liga-barcelona-atletico-madrid-8.jpg)
![](https://telegrafi.com/wp-content/uploads/2022/03/fbl-esp-liga-barcelona-atletico-madrid-8.jpg)
Megjithatë, Blaugranët janë të bindur se do të arrihet një marrëveshje përkundër situatës aktuale, e cila është e komplikuar për momentin. /Telegrafi/