Automjetet pa shofer shpeshherë dinë të jenë “temë e nxehtë” dhe një rast i tillë është shfaqur edhe së fundmi.
Dhe nëse po flasim për automjete dërgese, e vërteta është se automjetet pa shofer kanë zënë një vend të veçantë, përcjell Telegrafi.
Pa një shofer në kabinë, këto makina mund të mbahen në dimensione fizike minimale dhe mund të jenë më të lehta dhe më të lira për t’u përdorur se kamionët dhe furgonët tradicionalë të shpërndarjes.
![](https://telegrafi.com/wp-content/uploads/2022/02/fa1.jpg)
![](https://telegrafi.com/wp-content/uploads/2022/02/fa1.jpg)
Nuro, një nga liderët e industrisë kur bëhet fjalë për teknologjitë autonome, sapo ka prezantuar evolucionin më të fundit të automjetit të saj të dorëzimit dhe ka një airbag masiv – nga jashtë.
Makina që shihni në galerinë e mësipërme quhet thjesht Nuro dhe është automjeti i gjeneratës së tretë me vetëdrejtim nga kjo firmë.
![](https://telegrafi.com/wp-content/uploads/2022/02/fa2.jpg)
![](https://telegrafi.com/wp-content/uploads/2022/02/fa2.jpg)
Ndarjet e tij të dizajnuara në mënyrë ergonomike mund të mbajnë gati 220 kilogramë sende ushqimore dhe gjithçka është lehtësisht e qasshme përmes një ekrani me prekje.
Sistemi HVAC i automjetit mund ta mbajë ushqimin të ftohtë në -22 gradë F (-5,5 gradë Celsius) ose të nxehtë në 116 gradë F (47 gradë Celsuis).
![](https://telegrafi.com/wp-content/uploads/2022/02/fa3.jpg)
![](https://telegrafi.com/wp-content/uploads/2022/02/fa3.jpg)
Ose, për ta thënë më thjeshtë, pica qëndron e nxehtë dhe pija qëndron e ftohtë, përcjell Telegrafi.
Ndërsa kjo është e bukur, ndoshta nuk është tipari më interesant i Nuro-s.
![](https://telegrafi.com/wp-content/uploads/2022/02/fa4.jpg)
![](https://telegrafi.com/wp-content/uploads/2022/02/fa4.jpg)
Autoliv, një zhvillues i sistemeve të sigurisë së automobilave, ka projektuar një jastëk ajri të veçantë për automjetin që është i instaluar në pjesën e jashtme të automjetit, në pjesën e përparme të tij.
![](https://telegrafi.com/wp-content/uploads/2022/02/fa5.jpg)
![](https://telegrafi.com/wp-content/uploads/2022/02/fa5.jpg)
Qëllimi i tij është të mbrojë përdoruesit e rrezikuar të rrugës, si këmbësorët, çiklistët dhe motoçiklistët.
Këta përbëjnë më shumë se gjysmën e vdekjeve në trafik në botë çdo vit. /Telegrafi/