Melburni u bë qyteti më i populluar i Australisë, duke e tejkaluar Sidnejin, i cili ishte më i populluari në një shekull të fundit, transmeton Anadolu.
Sipas një lajmi në BBC, të dhënat e fundit tregojnë se popullsia e Melburnit nga qershori i vitit 2021 u rrit në 4.875.400 dhe me një dallim prej 18.700 personash e tejkaloi Sidnejin.
Andrew Hower nga Zyra e Statistikave e Australisë (ABS), tha se rritja e popullsisë së Melburnit ishte për shkak të zgjerimit të kufijve të qytetit duke, përfshirë edhe qytetin Melton.
Ekspertët theksojnë se rritja e popullsisë është ngadalësuar në Sidnej dhe më shumë njerëz janë larguar nga qyteti duke migruar në pjesë të tjera të vendit vitet e fundit.
Melburni me fluksin e emigrantëve në shtetin e Victorias në fund të shekullit të 19-të u rrit me shpejtësi, duke u bërë qyteti më i populluar i vendit deri në vitin 1905.
