Ligjet që parashikojnë që Zeta të marrë statusin e komunës së pavarur, dritën jeshile e ka marrë nga Komisioni për Sistemin Politik, por jo edhe nga Komisioni Legjislativ i Kuvendit të Malit të Zi. Në seancën e Komisionit Legjislativ në Kuvendin e Malit të Zi, anëtarët e komisionit deklaruan se projektligji për ndryshime në Ligjin për organizimin e territorit të Malit të Zi dhe Projektligji për ndryshimin e Ligjit për Kryeqytetin, i cili përcakton se Zeta do të marrin statusin e komunës, nuk janë në përputhje me Kushtetutën. Shtatë anëtarë të bordit deklaruan se ky propozim nuk është në përputhje me Kushtetutën dhe sistemin ligjor, ndërsa gjashtë ishin kundër. Kryetarja e Komisionit Maja Vukiçeviq (FD) tha se në seancën e Kuvendit do të kërkohet shumicë absolute për të votuar këto ligje. Projektligji për ndryshimin e Ligjit për organizimin territorial të Malit të Zi dhe Projektligji për ndryshimin e ligjit për kryeqytetin morën dritën jeshile nga Komisioni për Sistemin Politik, Gjyqësi dhe Administratë. Për ndryshimin e këtyre ligjeve votuan shtatë deputetë.
