Mësimi në disa shkolla fillore dhe të mesme në Podgoricë është ndërprerë për shkak të raportimit për një bombë, njoftoi Administrata Policore. Ministria e Arsimit ka njoftuar se menjëherë pas marrjes së informacionit për bombat e raportuara, ka thirrur të gjitha shkollat fillore dhe të mesme, dhe ka rekomanduar që nxënësit dhe punonjësit të dalin nga objektet e shkollës dhe të informojnë policinë për të gjitha aktivitetet. Në adresat e disa shkollave fillore është dërguar email me alarm për bombë. Gjithashtu janë evakuuar nxënësit e shkollës së mesme profesionale “Spasoje Raspopoviq” dhe gjimnazit “Slobodan Shkeroviq”. Siç mësojmë, mësimi në shkolla është ndërprerë dhe nxënësit janë evakuuar. Njësit speciale të Drejtorisë së Policisë kryejnë kontrolle. Ministria e Arsimit u ka dërguar shkresë të gjitha shkollave fillore dhe të mesme në territorin e Podgoricës dhe komunës së Zetës se sot në turnin e pasdites do të organizohet online punë edukative, e cila do të sigurojë vazhdimësinë e mësimit dhe sigurinë e nxënësve.
