Ministri i Shëndetësisë Dragosllav Shqekiq dhe drejtori i Institutit për Ndihmë Emergjente Mjekësore, Dr. Vuk Nikoviq, sot në një ceremoni adekuate kanë vënë në funksion zyrtarisht objektin qendror të rikonstruktuar të ndihmës emergjente mjekësore në Podgoricë. Vlera e përshtatjes dhe pajisjeve mjekësore të marra është rreth 75 mijë euro. Ministri Shqekiq theksoi se modernizimi infrastrukturor, kushtet më të mira për punën e personelit mjekësor dhe ngritja e nivelit të cilësisë së shërbimeve shëndetësore për qytetarët dhe të gjithë banorët e Malit të Zi janë prioritete të Ministrisë së Shëndetësisë dhe Qeverisë së Malit të Zi. Kujdesi urgjent është një nga shtyllat më të rëndësishme të çdo sistemi shëndetësor dhe Ministria e Shëndetësisë, siç tha ministri, është e vendosur që të gjitha njësitë e këtij shërbimi në territorin e Malit të Zi t’i ofrojë kushte pune po aq cilësore, siç janë tani në Podgoricë, sepse e meritojnë njëlloj edhe punëtorët shëndetësorë edhe pacientët. Duke e falënderuar ministrin Shqekiq për mirëkuptimin dhe mbështetjen në realizimin e këtij projekti, drejtori i Institutit për Ndihmë Emergjente Mjekësore, dr. Vuk Nikoviq, theksoi se kryeqyteti i një vendi, siç është Podgorica, meriton hapësirë që më në fund është vënë në përdorim mjekësor. Ai ka rikujtuar ndërtesën përfaqësuese të njësisë së ndihmës emergjente, të cilën banorët e Tuzit e kanë marrë para pak kohësh dhe përveç objektit të përfunduar në Podgoricë, ka paralajmëruar përfundimin e afërt të punimeve të njësive në Pluzhinë dhe Cetinë, dhe njoftoi se së shpejti do të fillojë renovimi i njësisë në Guci, pastaj në vjeshtë në Ulqin, dhe siç tha ai, me përpjekje të përbashkëta dhe marrëveshje së shpejti do të sigurohen mjete për rinovimin e ambienteve të njësive të ndihmës emergjente në veri të vendit, të cilat janë në një gjendje shumë të lënë pas dore dhe jo përfaqësuese. Siç tha ai, për herë të parë të gjithë janë të barabartë, për herë të parë ndihma urgjente është në dispozicion për të gjithë, për herë të parë hapen dyert e Institutit dhe Ministrisë së Shëndetësisë, për herë të parë janë në të njëjtën detyrë për të ofruar shërbime adekuate mjekësore emergjente për të gjithë qytetarët e Malit të Zi.
