Socialdemokratët përgatitën dhe vunë në procedurë nismën për shkurtimin e mandatit të Kuvendit, sepse në vend që të kalojë problemin, “kjo Qeveri që merr karakterin e tradhtarit dhe nuk ka legjitimitet elektoral, e ka shtyrë shtetin në përçarje më të thella dhe tema me të cilat nuk duhet të merret”, ka bërë të ditur kryetari i SD-së, Damir Shehoviq. Ai shtoi se kushdo që këmbëngul për mbijetesën e kësaj qeverie, edhe pse në mënyrë të qartë dhe të pakthyeshme po na largon nga Europa, nuk ja dëshiron të mirën Malit të Zi. Siç thuhet në iniciativë, shumica e re parlamentare dhe qeveria e re kanë përcaktuar prioritetet kryesore, që janë përshpejtimi i rrugës së integrimit evropian, reformat në drejtësi, reforma zgjedhore dhe përmirësimi i situatës ekonomike dhe sociale. „Nisma vlerëson se në vend të atyre prioriteteve dominojnë temat që polarizojnë dhe hutojnë më tej opinionin, e bëjnë skenën politike më të paqëndrueshme dhe që nuk janë pjesë e agjendës evropiane dhe nuk kontribuojnë në përmirësimin e standardit të rrezikuar serioz të jetesës. Çdo ditë flitet për Ballkanin e Hapur, nga i cili Mali i Zi nuk ka dhe nuk mund të ketë asgjë të mirë fare”, tha Shehoviq.
