Kryeministri i Malit të Zi Dritan Abazoviq tha se rezultatet e arritura nga Qeveria në vitin e kaluar i kanë tejkaluar të gjitha pritjet dhe janë spektakolare. “Qeveria ka punuar me marsh të gjashtë të gjitha 365 ditët”, tha Abazoviq në prezantimin e rezultateve të arritura nga Qeveria.
Kryeministri tha se rezultatet tregojnë se nuk bëhet fjalë për falimentim të shtetit.
Ai deklaroi se produkti i brendshëm bruto (PBB) në Mal të Zi në vitin 2022 arriti në 5.8 miliardë euro rekord, se papunësia është ulur, se paga minimale prej 450 euro është “deri më e larta në rajon”, që është edhe rasti me pagë mesatare 771 euro për muajin shkurt.
Ai tha se të gjitha kompanitë në vend vitin e kaluar kanë arritur rezultate të mira rekord.
Ai kujtoi gjithashtu se kapitali në Portin e Tivarit është rritur dhe thotë se shpreson që deri në fund të qershorit i gjithë porti i Tivarit të jetë në pronësi të shtetit.
Ai gjithashtu u ndal në rezultatet e EEMZ, duke marrë përsipër fabrikën e hekurit dhe çelikut.
Në ndërtim e sipër është edhe teleferiku nga Lovqeni në Kotorr.
“Do të jetë objekti më prestigjioz në turizëm në Mal të Zi”, tha Abazoviq.
Ai thotë se janë duke u ndërtuar objekte edhe në shëndetësi. Janë duke u punuar 33 projekte dhe disa prej tyre, siç paralajmëroi ai, do të ndryshojnë imazhin e Malit të Zi.
