Deputeti i Parlamentit Evropian Vladimir Bilçik, bashkëkryetar i Komisionit Parlamentar për Stabilizim dhe Asociim për Malin e Zi, vlerësoi se vendi është në krizë të thellë kushtetuese sepse nuk ka Gjykatë Kushtetuese funksionale dhe qeveria e kryeministrit Dritan Abazoviq ka humbur legjitimitetin në parlament. “
“Nuk është një qeveri e vërtetë politike. Mali i Zi aktualisht nuk ka një qeveri politike dhe duhet ta ketë një të tillë. Vendi po përballet me një krizë politike që mund të thellohet. Së fundmi në Mal të Zi u mbajtën zgjedhjet lokale, rezultatet e të cilave nuk mund të konfirmohen pa Gjykatë Kushtetuese. Besoj se zgjedhjet e parakohshme parlamentare duhet të mbahen në Mal të Zi sepse duket se nuk ka përgjigje për krizën politike në Kuvend”, tha Bilçik për Zërin e Amerikës.
Siç theksoi ai, Mali i Zi duhet të përgatitet për zgjedhje reale dhe funksionale presidenciale në pranverë, sepse mandati i presidentit (Millo) Gjukanoviq do të përfundojë së shpejti.
Ai thekson se Mali i Zi ka nevojë për shërimin e plagëve, në mbarë shoqërinë, pavarësisht nëse dikush është boshnjak, shqiptar, kroat, malazez apo serb.
“Duhet kuptuar se e ardhmja e vendit është në dorën e të gjithëve dhe qytetarët dhe përfaqësuesit politikë duhet të bashkohen dhe ta kthejnë vendin në kuadrin e tij institucional”, tha Bilçik.
