Foto: Ilustrim
Vitet e fundit ka gjithnjë e më shumë fëmijë të cilëve u shtyhet regjistrimi në klasën e parë të shkollës fillore.
Arsyet më të shpeshta janë mungesa e aftësive të të folurit dhe gjuhës, si dhe aftësitë grafomotore të pazhvilluara dhe qëndrimi jo i duhur, shpjegon pediatria Dr. Ivana Lakiçeviq nga Qendra Shëndetësore.
“Përveç uljes së vëmendjes dhe përqendrimit, kemi probleme me shikimin, ndaj kemi shumë fëmijë që kur regjistrohen në shkollën fillore nuk mund të lexojnë nga ato tabela që i tregojnë infermieret tona dhe i testojnë në objektet që shihen në ato tabela, mprehtësia vizuale është e dëmtuar. Nuk do të thotë domosdoshmërisht se është 100% e saktë dhe as nuk mbështetemi në të, prandaj më vonë i dërgojmë te një okulist”, tha Lakiçeviq.
Lakiçeviq thekson se përdorimi i vazhdueshëm i celularëve dhe tabletave është shumë i dëmshëm për fëmijët, ata marrin një pozicion të gabuar gjatë qëndrimit ulur, gjë që çon në lakim të shtyllës kurrizore, ose skoliozës.
Logopedi Vllado Medojeviq pajtohet se rritja e përdorimit të ekranit çon në vështirësi socio-emocionale.
“Disfazitë e zhvillimit janë në rritje. Prandaj, ka një vonesë të konsiderueshme si për shkak të zhvillimit shprehës, ashtu edhe atij receptiv të të folurit dhe gjuhës. Ata fëmijë që i ekspozohen ekraneve, televizorit dhe asaj lloj përmbajtjeje më vonë shkojnë, le të themi, në ndonjë pjesë virtuale, pastaj në shkollë kanë probleme me lexim dhe shkrim, për shkak se ata nuk mund të fiksojnë atë që ndjekin me sytë e tyre, ose më mirë me shikimin, kur lexojnë një rresht në një fjali, sytë e tyre fillojnë të dhembin pas një kohe të shkurtër”, shprehet Medojeviq.
