Foto: Ilustrim
Shoferëve në Mal të Zi nuk do t’u kërkohet më të kenë goma dimërore në të katër rrotat duke filluar nga nesër.
Ky detyrim është i vlefshëm nga data 1 nëntor deri më 1 prill, në përputhje me Ligjin për Sigurinë e Qarkullimit Rrugor.
“Në periudhën nga 15 nëntori 2024 deri më 1 prill 2025, përdorimi i gomave dimërore për të gjitha mjetet motorike është i detyrueshëm në rrugët ku kjo tregohet me sinjalistikë, pavarësisht nëse ka kushte dimërore në atë rrugë”, njoftoi më herët Shoqata e Automjeteve dhe Motoçikletave të Malit të Zi.
Gjatë periudhës së dimrit, të gjithë përdoruesve të rrugës iu kërkua të kishin katër goma dimërore në automjetet e tyre me një thellësi minimale të hapit prej katër milimetra (4 mm).
Qëllimi i kësaj mase ishte rritja e sigurisë rrugore në kushtet e borës, akullit, shiut dhe temperaturave të ulëta.
Duke qenë se data 1 Prill shënon fundin e periudhës ligjore për përdorimin e gomave të dimrit, drejtuesit e mjeteve tashmë mund të përdorin gomat verore.
Megjithatë, rekomandohet kujdes, veçanërisht në zonat malore ku kushtet e motit mund të jenë të paparashikueshme.
