Foto: AA
Tri ditë pas goditjes së tërmetit, shkalla e shkatërrimit në Myanmar vazhdon të ndihet.
Mianmari ka shpallur të hënën shtatë ditë zie kombëtare pas tërmetit të fuqishëm me magnitudë prej 7.7 ballësh që goditi qendrën e Mianmarit të premten.
Flamuri kombëtar do të lëshohet në gjysmë-shtizë si pjesë e zisë, sipas medias shtetërore.
Numri i të vdekurve nga tërmeti ka kaluar në 2.000 ndërkohë mbi 3.400 janë të lënduar dhe mbi 300 të tjerë të zhdukur.
Ndërkohë, sundimtari i juntës së Mianmarit, gjeneral Min Aung Hlaing, zhvilloi të dielën një bisedë telefonike me kryeministrin e Malajzisë, Anwar Ibrahim.
Palët diskutuan ndikimin e tërmetit dhe përpjekjet për shpëtim dhe ndihmë. Rusia, India, Kina, Tajlanda, OKB-ja, Emiratet e Bashkuara Arabe dhe vende të tjera, kanë dërguar ekipe të specializuara të kërkimit dhe shpëtimit, bashkë me ndihma humanitare.
