Foto: Ilustrim
Pas politikave tregtare të presidentit të SHBA Donald Trump, ndaj Evropës, një lëvizje e re e quajtur “Le boycott” ka shpërthyer në Francë, duke nxitur qytetarët të bojkotojnë markat amerikane të njohura, si McDonald’s, Coca-Cola dhe Tesla.
Tarifat e larta tregtare të imponuara nga administrata Trump, si dhe një retorikë anti-europiane që ka shkaktuar shqetësime dhe pakënaqësi te qytetarët e Bashkimit Europian.
Bojkoti ka marrë mbështetje të gjerë nga të rinjtë dhe disa grupe të tjera sociale.
Megjithatë, pjesëmarrja në këtë fushatë është e vështirë për shumë qytetarë, veçanërisht për studentët dhe punëtorët, të cilët përballen me vështirësi financiare dhe mundësi të kufizuara për të shmangur përdorimin e këtyre markave të mëdha, të cilat janë të përhapura kudo.
Bojkotimi i markave amerikane ka filluar të shndërrohet në një lëvizje më të madhe që thekson pakënaqësinë ndaj administratës Trump dhe politikat e saj, duke nxitur diskutime të gjera në rrjetet sociale, ku shumë individë e shohin këtë si një mundësi për të shprehur mendimet e tyre kundër administratës së SHBA-së.
Kjo fushatë bojkotimi ka pasuar një tendencë të ngjashme edhe në Kanada, ku qytetarët kanë vendosur të bojkotojnë gjithçka që vjen nga SHBA-ja, duke përfshirë produktet dhe shërbimet amerikane.
