Vaksinimi me vaksinën MMR për momentin nuk është kusht që fëmijët të jenë në çerdhe, tha drejtoresha e institucionit publik “Lubica Popoviq” Vesna Nikoliq. Ajo tha për Televizionin Vijesti se sa i përket masave për parandalimin e epidemive të sëmundjeve infektive, në këtë rast të fruthit, respektohen rekomandimet e Institutit të Shëndetit Publik. “Sa i përket hapave parandalues, ne patëm seanca edukative me prindërit për të rritur ndërgjegjësimin për rëndësinë e vaksinimit MMR dhe ndoshta për të thyer disa tabu”, tha Nikoliq. Sipas saj, nuk ka kufizime për qëndrimin e fëmijëve në kopsht, përveç vërtetimit të lëshuar nga pediatri i zgjedhur nëse fëmija është i aftë për kopsht. Ajo tha se janë në kontakt të përditshëm me Institutin e Shëndetit Publik, Qendrat shëndetësore, Ministritë e Shëndetësisë dhe Arsimit dhe se së bashku “vëzhgojnë situatën dhe komunikojnë se çfarë po ndodh në terren”.
