Foto: Shutterstock
Të gjitha llojet e karburanteve do të rriten nga një deri në dy cent nga mesnata, njoftoi Ministria e Minierave, Naftës dhe Gazit.
Eurosuper 95 dhe 98 do të rriten me nga një cent, do të kushtojnë 1.44 euro dhe 1.48 euro.
Çmimi i Eurodizelit do të jetë një cent më shtrenjtë në 15 ditët e ardhshme dhe do të arrijë në 1.36 euro.
Çmimi i naftës për ngrohje do të rritet me dy cent, në 1.33 euro.
Ndryshimet e fundit të çmimeve ishin më 17 dhjetor, kur të gjitha llojet e karburanteve u liruan me një deri në dy cent.
Në përputhje me dispozitat e Rregullores për mënyrën dhe sasinë e elementeve në bazë të të cilave formohen çmimet maksimale të derivateve të naftës, llogaritja e radhës do të bëhet më 13 janar të vitit pasardhës dhe çdo ndryshim i çmimeve të derivateve të naftës do të bëhet i vlefshëm nga 14 janari i vitit pasardhës.
