Përkrahim mandatari e caktuar Zdravko Krivokapiq dhe udhëheqësit e tjerë të koalicionit të shumicës që të sigurojnë që individët që do të zgjidhen në postet në qeverinë e re, veçanërisht në pozicione të ndjeshme në sektorin e sigurisë të kenë një angazhim të provuar ndaj vlerave perëndimore, sovranitetit të Malit të Zi dhe kursit euro-atlantik, i cili përfshin përgjegjësitë e anëtarësimit në NATO, tha ambasadorja e SHBA-ve në Podgoricë Judy Rising Reinke. Në një intervistë për Dan, ajo theksoi se avancimi i sundimit të ligjit dhe luftimi i krimit të organizuar ishin dhe mbeten sfidat kryesore dhe detyrat më të rëndësishme të Malit të Zi në ndërtimin e së ardhmes së tij të sigurt Euro-Atlantike. “Mungesa e përparimit në këtë fushë ka provuar të jetë një pengesë kryesore për anëtarësimin në BE. Pritjet tona për qeverinë e re janë të njëjta me pritjet e qytetarëve që zbatojnë reforma konkrete për të luftuar korrupsionin,” tha Rising Reinke. Ajo beson se “një Mal i Zi gjithëpërfshirës, tolerant, i integruar plotësisht në institucionet perëndimore, do të çojë në prosperitet më të madh dhe një të ardhme më të ndritur për të gjithë qytetarët e Malit të Zi.”
