Kryetari i Komunës së Ulqinit Genci Nimanbegu dhe kryetarja e Kuvendit të Komunës së Ulqinit Ivana Popoviq pritën në takim ministren e Arsimit, Shkencës dhe Inovacionit Angjella Jakshiq Stojanoviq.
Ata i prezantuan nevojat për objektet shkollore, ndërhyrjet që duhen bërë për rinovimin e objekteve ekzistuese, sallave sportive dhe ndërtimin e objekteve të reja parashkollore.
Në njoftimin e Komunës, thuhet se është biseduar edhe për forcimin dhe intensifikimin e bashkëpunimit ndërmjet Komunës së Ulqinit dhe Ministrisë së Arsimit, Shkencës dhe Inovacionit në fushën e modernizimit të arsimit dhe çështje të tjera të rëndësishme.
Ministrja Jakshiq Stojanoviq përshëndeti përpjekjet e Komunës së Ulqinit për përmirësimin e kushteve në arsim dhe shprehu gatishmërinë e saj që departamenti që ajo drejton të ofrojë ndihmë të shpejtë dhe specifike.
Fillimisht u ra dakord që urgjentisht të gjendet një objekt i përkohshëm për akomodimin e fëmijëve të institucionit parashkollor „Solidariteti“, institucioni i të cilëve është në gjendje shumë të keqe dhe akomodimi i të cilit do të jetë deri në ndërtimin e shpejtë të kopshtit të ri në Fushë të Ulqinit, për të cilin tashmë ka dokumentacion të plotë.
“U ra dakord që për shkak të kapacitetit të vogël dhe numrit të madh të nxënësve në shkollën fillore “Marko Nuculloviq” në Shtoj, të përpiqen të gjejnë një model për zgjerimin e kapaciteteve dhe mundësinë e ndarjes së një paralele për një mësim parashkollor. Në buxhetin kapital janë paraparë mjete për zgjerimin e kapaciteteve të IP SHF ‘Vëllazërim-Bashkim’ si dhe për një shkollë të re muzikore në një mjedis të ri. Nuk ka mbetur anash as salla sportive e shkollës fillore ‘Boshko Strugar’ e cila është në gjendje shumë të keqe”, thuhet në deklaratë.
Palët ranë dakord që të kenë takime intensive deri në fillim të vitit shkollor për të qenë sa më të përgatitur. Jakshiq Stojanoviq tha se Ministria do të mbështesë fuqishëm çdo shkollë dhe se nxënësit nuk do të duhet të presin shumë.
