Presim që deri në fund të seancës së parë të rregullt të Kuvendit të ketë një progres të rëndësishëm në vendimmarrjen kryesore. “Është e rëndësishme që ne të arrijmë rezultate dhe më e rëndësishmja eshte që ato të njihen,” tha kryeministri i Malit të Zi, Dritan Abazoviq. Kryeministri e tha këtë gjatë një takimi dypalësh me Përfaqësuesin Special të BE-së për dialogun Beograd-Prishtinë, Mirosllav Lajçak, në margjinat e samitit vjetor të Institutit Republikan Ndërkombëtar – Samiti i Demokracisë në Evropën Juglindore (SEE | DEM), i cili mbahet nga 29 deri 31 maj në Beçiq. Abazoviq theksoi rëndësinë e pranisë së BE-së në rajonin e Ballkanit Perëndimor dhe theksoi rëndësinë e institucioneve evropiane në politikën e zgjerimit, duke pasur parasysh qëndrimin gjeopolitik dhe strategjik të BE-së ndaj Ballkanit Perëndimor. Kryeministri gjatë bisedës theksoi se prioritet i Qeverisë është sundimi i ligjit, zhbllokimi i institucioneve dhe lufta kundër krimit dhe korrupsionit, duke rikujtuar rezultatet e arritura në atë drejtim dhe ambiciet në periudhën e ardhshme, që Mali i Zi të bëhet anëtar i parë i BE-së. Sipas kabinetit të Abazoviq, Lajçak tha se Ballkani Perëndimor shikohet nga një perspektivë e re në të cilën Mali i Zi vazhdon të udhëheqë procesin e integrimit evropian. “Urime për zgjedhjen e Qeverisë së 43-të. Për të gjithë ne, në BE dhe në Mal të Zi, kjo është Qeveria e shpresës”, tha Lajçak. Ndër të tjera në takim u shkëmbyen mendime për nismat rajonale, më pas për efektet e situatës në Ukrainë, ku u shpreh gatishmëria e Bashkimit Evropian për të ndihmuar në përballimin e pasojave.
