Foto: RTNK
Fushata “Maji – muaji i parandalimit në trafikun rrugor”, qëllimi i së cilës është rritja e sigurisë së përdoruesve të rrugës, me theks tek motoçiklistët që janë kategoria më e cenueshme përkrah këmbësorëve, do të fillojë nesër.
Kreu i Departamentit të Sigurisë në Trafikun Rrugor të Administratës së Policisë, Ilija Janjusheviq, tha në një konferencë për shtyp se në maj ata duan veçanërisht të ulin numrin e vdekjeve në trafik, me theks të veçantë te motoçiklistët si grupi më i prekshëm.
Ai deklaroi se maji është planifikuar për fushatën sepse në atë muaj, për shkak të kushteve më të mira të motit, numri i motoçiklistëve në trafik rritet.
“Policia sigurisht që, përmes aktiviteteve të saj kryesisht parandaluese, do të përpiqet të rrisë nivelin e kulturës së trafikut dhe, në masën e mundshme, t’u sigurojë pjesëmarrësve pjesëmarrje të sigurt në trafik”, tha Janjusheviq.
