Mali i Zi nuk do t’i harrojë kurrë djemtë dhe vajzat e tij të humbura tragjikisht, tha kryeministri i Malit të Zi Millojko Spajiq.
“30 Prilli është dita kur kujtojmë me pietet të veçantë viktimat e tragjedisë së Murinës, mes tyre edhe tre fëmijë. Familjet nuk do t’i shërojnë kurrë plagët e shkaktuara nga humbja e të dashurve të tyre, por pas 25 vitesh kjo Qeveri në bashkëpunim me deputetin nismëtar Millun Zogoviq do të gjejë mënyrën për t’i kompensuar familjet e viktimave. Është detyra jonë të mos diskriminojmë viktimat dhe ngjarjet, por të tregojmë të njëjtin trajtim ndaj të gjithëve sepse kjo është e vetmja rrugë për një gjendje të vërtetë civile, në të cilën askush nuk mbetet pas”, ka thënë Spajiq në rrjetin X.
