Gjithnjë e më shumë amvisat përdorin truke për pastrin në shtëpi, në mënyrë që të shmangin përdorimin e kimikateve
Posaçërisht nëse keni fëmijë të vegjël, mjetet e forta për pastrim dhe shkëlqim mund të jenë të rrezikshme.
Mbase deri tani nuk ju ka rënë në mend, por vaji i bebeve është perfekt për mirëmbajtjen e shumë sipërfaqeve në shtëpi, transmeton Telegrafi.
Përdoruesit e TikTok-ut kanë ndarë përvojat e tyre me këtë preparat. Ata kanë arritur në përfundim që vaji i bebeve ndihmon që të mbahen pastërtia dhe shkëlqimi i lavamanit madje edhe për një javë.
E gjitha që duhet të bëni është që të hidhni pak vaj në leckë magjike dhe me të fërkojeni lavamanin. Nëse e bëni këtë një herë në javë, ai do të shkëlqejë.
Po kështu, ju mund ta përdorni këtë produkt për të mirëmbajtur frigoriferin, sobën, objekte dhe pajisje të tjera metalike në shtëpi. Procedura është e njëjtë si gjatë lustrimit të lavamanit.
Ju gjithashtu mund të përdorni vaj për fëmijë për të zgjidhur bizhuteritë e ngatërruara. /Telegrafi/
