Presidenti amerikan Donald Trump deklaroi se armëpushimi mes Izraelit dhe Hamasit nuk është në rrezik, pavarësisht sulmeve ajrore izraelite në Rripin e Gazës, në të cilat u raportua se u vranë të paktën 50 persona dhe u plagosën rreth 200 të tjerë.
Sulmet u kryen pasi Izraeli akuzoi Hamasin për shkelje të armëpushimit dhe për vrasjen e një ushtari izraelit.
Trump tha se reagimi i Izraelit ishte përgjigje ndaj vrasjes së ushtarit dhe se armëpushimi mbetet në fuqi.
Ndërkohë, Hamasi e ka mohuar se ka kryer sulmin dhe ka deklaruar se vazhdon të respektojë marrëveshjen.
Armëpushimi, i ndërmjetësuar nga SHBA-ja, hyri në fuqi më 10 tetor pas dy vitesh luftimesh. Të dyja palët vazhdojnë të akuzojnë njëra-tjetrën për shkelje të tij.
