Parlamenti ynë gjatë jetës së tij ka qenë dëshmitar i akteve të arritjes së konsensusit për çështje sfiduese në disa momente kyçe dhe kështu ka justifikuar plotësisht qëllimin e ekzistencës së tij dhe pozitën supreme në mesin e institucioneve në Mal të Zi, tha kryeparlamentari Aleksa Beçiq. Ai foli me rastin e shënimit të 115 vjetorit të hyrjes së parlamentarizmit në Mal të Zi, në një seancë të posaçme në Shtëpinë e Qeverisë në Cetijë. “Që nga fillimi i kësaj mbledhjeje, të 27-të, ne kemi bërë gjithçka për të arritur titullin e dhomës përfaqësuese dhe legjislative më transparente në rajon, duke përfshirë vendet e BE-së, Kroacinë dhe Slloveninë”, theksoi ai. “Qytetarët mund të jenë krenarë për punën tonë, e cila do të kontribuojë më tej në qëllimin tonë të përbashkët, hyrjen e Malit të Zi në BE”, tha ai. Beçiq theksoi se kushtet e luftës shekullore nuk na lejuan të pjekemi si shoqëri demokratike.
