Ministri i Zhvillimit Ekonomik dhe Turizmit, Goran Gjuroviq, ka bërë të ditur se nga data 2 tetor do të ulen çmimet e mbi 150 artikujve në raundin e ri të fushatës “Stop Inflacionit”.
Ai në konferencë për media bëri të ditur se aksioni i ri do të zgjasë deri në fund të vitit.
Aksioni bazohet në faktin se distributorët dhe tregtarët kanë hequr dorë nga marzhi i tyre, thotë Gjuroviq.
Ai ka bërë të ditur se aksioni i mëparshëm ka treguar rezultate të shkëlqyera dhe për këtë arsye Qeveria ka vendosur që ta fillojë sërish.
Për momentin në aksionin “Stop Inflacionit 100+” do të marrin pjesë përfaqësuesit e tregtisë me pakicë:
- Voli
- Llakoviq
- Mercator (marketet Idea dhe Franca M)
- Tregtia e brendshme (Aroma, Conto dhe marketet City)
- Megapromet Budva
- Primato nga Herceg Novi
- Panorama nga Mojkovci
Ministria ftoi të gjithë furnizuesit e tjerë, shitësit me shumicë, prodhuesit dhe shitësit me pakicë që t’i bashkohen aksionit dhe të kontribuojnë në stabilizimin e çmimeve në tregun malazez dhe të kontribuojnë në përmirësimin e standardit të jetesës së popullatës.
“Që qytetarët të kuptojnë se kjo është realisht një ulje e ndjeshme e çmimeve, shembull është shporta anti-inflacion e kompanisë VOLI dhe shportat e gjithë të tjerave janë të ngjashme, e cila aktualisht ka 148 produkte (ndërsa lista nuk është përfundimtare dhe ka tendencë të rritet) për të cilën deri më tani konsumatorët janë dashur të lënë mënjanë 454,71 euro, ndërsa nga 1 tetori vlera e kësaj shporte me zbritje do të jetë 322,07 euro. Pra, është një zbritje që arrin në gjithsej 29.17% dhe falë të cilave konsumatorët kursejnë 132.64 euro”, është bërë e ditur nga Ministria.
Ministri i Financave Aleksandar Damjanoviq bëri të ditur në konferencën për media se çmimet e karburanteve nuk do të rriten më.
