Krahas të ardhurave rekord nga turizmi, që paraqet eksportin e shërbimeve, eksporti rekord i mallrave dëshmon se ekonomia e Malit të Zi është në rrugë të sigurt, tha kryeministri i Malit të Zi, Dritan Abazoviq.
“Sipas të dhënave të Bankës Qendrore të Malit të Zi, eksporti i mallrave nga Mali i Zi ka shënuar një rekord që kur është matur dhe për tremujorin e parë është 226.8 milionë euro. Për krahasim, në tremujorin e parë 2019 , eksporti i mallrave ka qenë 101 milionë euro, në vitin 2020 – 95 milionë euro, në vitin 2021 – 108 milionë euro dhe 216 milionë euro në vitin 2022”, tha Abazoviq.
Siç theksoi ai, krahas të ardhurave rekord nga turizmi, që përfaqëson eksportin e shërbimeve, eksporti rekord i mallrave dëshmon se ekonomia e Malit të Zi po ecën në rrugë të sigurt.
“Këtu është shembulli më i mirë se si, me shtypjen e korrupsionit dhe krimit, eliminimin e monopoleve dhe shkatërrimin e ekonomisë, krijohet një shpërndarje më e mirë e drejtësisë”, tha Abazoviq.
Me këtë, siç ka theksuar ai, të gjithë parametrat ekonomikë në vend po rriten.
“Ne po ecim përpara, duke ngritur standardin e jetesës dhe duke ndërtuar një vend ku do të jetë privilegj të jetosh me guxim – jemi në rrugën e duhur!”, tha Abazoviq.
