Qeveria e Malit të Zi miratoi sot një paketë të re, të katërt të masave për të mbështetur qytetarët dhe ekonominë, në mënyrë që të kapërcejë më lehtë pasojat e epidemisë së koronavirusit. Ministri i Zhvillimit Ekonomik, Jakov Millatoviq, tha se ata gjetën një situatë të vështirë dhe se emetimi i obligacioneve nga dhjetori u mundësoi atyre që të sjellin masa të reja, raporton Vijesti. “Masat mbështetëse janë për dy kategori – për të ndihmuar qytetarët, prej të cilave janë rreth 100,000 dhe ekonominë,” tha Millatoviq në një konferencë shtypi pas seancës së Qeverisë, e cila u mbajt në Cetij. Ai shtoi se ata i kanë zgjeruar aktivitetet e rrezikuara nga rreth 15 të reja dhe se po përpiqen të ruajnë punësimin.
