Nëpërmjet programeve të bashkëpunimit ndërkufitar dhe territorial, Bashkimi Evropian ofron mundësi të shumta për bashkëfinancimin e projekteve që synojnë turizmin e qëndrueshëm dhe të përballueshëm.
Një nga projektet e tilla është P.A.S.T.4Future PLUS, në të cilin komuna e Tuzit, së bashku me partnerë nga Italia dhe Shqipëria, përpiqet të krijojë kushte që të gjithë të shijojnë ofertën turistike, pavarësisht pengesave fizike, invaliditet apo moshës.
Të rikujtojmë se Mali i Zi merr pjesë në 10 programe të bashkëpunimit ndërkufitar dhe territorial në kuadër të programit IPA III, i cili mbulon periudhën nga viti 2021 deri në vitin 2027.
„Secili prej programeve është i hapur për projekte që mund të ndihmojnë në bërjen e turizmit të qëndrueshëm, të aksesueshëm dhe gjithëpërfshirës, dhe në mënyrë që turizmi të jetë i aksesueshëm, është e nevojshme të krijohen kushte që të gjithë të shijojnë ofertën turistike, pavarësisht nga barrierat fizike, invaliditetit apo moshës. Krahas përgjegjësisë sociale, turizmi i aksesueshëm ka edhe një rëndësi të madhe ekonomike, pasi është dëshmuar se përmirësimi i aksesueshmërisë së ofertës turistike rrit konkurrueshmërinë e destinacionit,“ tha U.D. së sekretarit në Ministrinë e Çështjeve Evropiane, Miodrag Rashoviq, duke hapur seminarin e sotëm ndërkombëtar mbi turizmin e aksesueshëm dhe të qëndrueshëm.
