Foto: Qeveria e Malit të Zi / Vlada Crne Gore
Qeveria e Malit të Zi, në seancën e 63-të të mbajtur sot, të kryesuar nga kryeministri Millojko Spajiq, miratoi dy projektligje në lidhje me kapitullin 9 – Shërbimet Financiare.
- Projektligji për fondet e investimeve të hapura me ofertë publike;
- Projektligji për Konglomeratet Financiare;
Të dy ligjet janë të rëndësishme për negocimin e kapitullit 9 dhe detyrimeve në procesin e anëtarësimit të Malit të Zi në Bashkimin Evropian.
Kur bëhet fjalë për Projektligjin për fondet e investimeve të hapura me ofertë publike, në diskutim u theksua se rregullorja synon të sigurojë një kornizë të harmonizuar dhe të rreptë rregullatore dhe mbikëqyrëse për aktivitetet e të gjitha shoqërive të administrimit të fondeve të investimeve të hapura me oferta publike që veprojnë në Mal të Zi.
Projektligji rregullon më tej ato aktivitete rregullatore që janë më të rëndësishme për mbrojtjen e investitorëve, përkatësisht tregtimin e drejtë dhe të rregullt të kuotave të fondeve të investimeve të hapura me ofertë publike.
Ligji tjetër prezanton mbikëqyrjen e detyrueshme shtesë të operacioneve të një konglomerati financiar nga autoritetet përgjegjëse për mbikëqyrjen e subjekteve të rregulluara (institucion krediti, shoqëri investimi, shoqëri sigurimesh, shoqëri risigurimi, shoqëri administruese e fondeve të investimeve të hapura me ofertë publike, d.m.th. shoqëri administruese e fondeve të investimeve alternative dhe shoqëri administruese e fondeve pensionale) nga Banka Qendrore e Malit të Zi, Agjencia Mbikëqyrëse e Sigurimeve dhe Komisioni i Tregut të Kapitalit.
