Foto: CDM
Qeveria e Malit të Zi, me propozim të Ministrisë së Arsimit, Shkencës dhe Inovacionit, ka miratuar një vendim që përcakton kostot e provimit për patentë shoferi, përfshirë edhe kompensimet për punën e instruktorëve të autorizuar.
- Provimi teorik kushton 20 euro për të gjitha kategoritë.
- Provimi praktik kushton: 20 euro për kategoritë AM, A1, A2, A, B1 dhe B, 30 euro për kategoritë B+E, C1, C1+E, C, C+E, D1, D1+E, D, D+E dhe T.
Instruktorët e autorizuar përfitojnë:
- 1,50 euro për çdo kandidat për provimin teorik (plus 0,20 euro për provimin elektronik),
- 2,50 euro për provimin praktik të kategorive të vogla,
- 4 euro për provimin praktik të kategorive të mëdha.
Kompensimi për udhëtim për instruktorët do të llogaritet si 15% e çmimit të një litri karburanti për kilometër të përshkuar.
Akomodimi mbulohet deri në 40 euro për natë (me mëngjes dhe TVSH të përfshirë), nëse vendi i provimit është të paktën 65 km larg nga vendbanimi i instruktorit. Kandidatët kanë të drejtë në kompensim të 50% të kostove të përcaktuara, sipas nenit 3 të këtij vendimi.
Me këtë vendim, Qeveria synon të sigurojë transparencë dhe barazi në koston e provimeve për të gjithë pjesëmarrësit në proces.
