Foto: Qeveria e Malit të Zi / Vlada Crne Gore
Zëvendëskryeministri i Malit të Zi për Punë të Jashtme dhe Çështje Evropiane, Filip Ivanoviq, u takua në Talin me ministrin e Jashtëm të Estonisë, Margus Cahkna.
Takimi shërbeu për të konfirmuar marrëdhëniet miqësore dhe aleate mes dy vendeve dhe për të shqyrtuar mundësitë për thellimin e mëtejshëm të bashkëpunimit, veçanërisht në fushat e ekonomisë, turizmit, arsimit dhe digjitalizimit.
Ministri estonez vlerësoi lart marrëdhëniet politike me Malin e Zi dhe theksoi rëndësinë e lidhjes së drejtpërdrejtë ajrore për forcimin e lidhjeve ekonomike dhe shoqërore.
Ai përmendi edhe bashkëpunimin në fushën e e-qeverisjes, ku institucionet estoneze janë tashmë aktive në projekte në Mal të Zi.
Ivanoviq falënderoi për mbështetjen në kuadër të NATO-s dhe veçanërisht për mbështetjen e vazhdueshme të Estonisë për integrimin evropian të Malit të Zi, duke e quajtur atë prioritetin absolut të politikës së jashtme.
Ai shprehu synimin që Mali i Zi të mbyllë të gjitha kapitujt negociues deri në vitin 2026 dhe të anëtarësohet në BE deri në vitin 2028, duke theksuar konsensusin politik dhe mbështetjen e lartë qytetare për këtë proces.
Ministri Cahkna vlerësoi progresin e Malit të Zi në reformat evropiane dhe e cilësoi atë si shembullin më të mirë në rajon, duke shprehur bindjen se Mali i Zi do të jetë shteti i ardhshëm që do t’i bashkohet BE-së.
Ai premtoi mbështetje politike dhe teknike të vazhdueshme nga Estonia në të gjitha fazat e integrimit.
