Kryeministri i Malit të Zi, Dushko Markoviq, njoftoi se në fund të këtij viti do të krijohen kushte që të fillohet ndërtimi i një Qendre të re të Urgjencës, dhe deri në fund të vitit do të fillojmë të harxhojmë 17 milion euro para të alokuara për Qendrën Klinike të Malit të Zi.
“Duke hapur Departamentin e Obstetrikës të Klinikës për Gjinekologji në QKMZ, ne jemi dëshmitarë se si dija dhe përgjegjësia mund të investojnë në sistemin shëndetësor edhe në krizën më të madhe, shëndetësore dhe ekonomike”, tha kryeministri Markoviq, duke shtuar se me vite kemi dëshmuar investime serioze për sa i përket hapësirës, pajisjeve por edhe burimeve njerëzore.
I kënaqur dhe krenar për atë që sheh në Qendrën Klinike, Kryeministri uroi të punësuarit në tërë kujdesin shëndetësor të Malit të Zi për profesionalizmin dhe motivimin e tyre për të mbrojtur shëndetin e qytetarëve gjatë pandemisë.
“Kjo është dëshmi se investimi në kujdesin shëndetësor është përgjigjja më e mirë për nevojat e përditshme të qytetarëve tanë. Duke investuar në kujdesin shëndetësor, ne po investojmë në të ardhmen e Malit të Zi, në shëndetin e qytetarëve tanë dhe përparimin e përgjithshëm,” tha Markoviq.
Drejtori i QKMZ, Jevto Erakoviq, theksoi se kjo është vazhdimësia e sistemit shëndetësor që vazhdon nga viti në vit, i cili tregon forcën dhe vullnetin dhe profesionalizmin:
“Forca e sistemit shëndetësor dhe forca e shtetit dhe jam i sigurt se do ta vazhdojmë atë vazhdimësi dhe do të tregojmë se gjithçka kemi filluar që do të realizojmë me sukses dhe do të zhvillojmë edhe më shumë në periudhën e ardhshme”.
